Міжнароднаму дню роднай мовы прысвячаецца ...

Дата: 22 февраля 2021 в 14:23, Обновлено 23 февраля 2021 в 14:43

Автор: Боровик Д. К.

138 просмотров

Міжнароднаму дню роднай мовы прысвячаецца ...

Дата правядзення: 15.02.2021 – 20.02.2021

Мэты: -папулярызаваць беларускую мову сярод вучняў;

-паглыбіць веды па роднай мове праз гульню;

-выхоўваць павагу, ашчадныя адносіны да роднага слова, да Радзімы;

-спрыяць развіццю інтэлектуальнага ўзроўню, каманднай работы.

Дэвіз тыдня: Мова родная – мова модная!

З 15 па 20 лютага 2021 года ў школе праходзілі мерапрыемствы, прысвечаныя Міжнароднаму дню мовы пад дэвізам “Жыве ў вяках беларуская мова!”.

У панядзелак у фае школы была арганізавана прэзентацыя з выказваннямі беларускіх пісьменнікаў пра родную мову. Вучні віталіся па-беларуску з настаўнікамі.

У аўторак вучні 7- 8 класаў прымяралі вобразы мележаўскіх герояў (Ганны Чарнушкі, Васіля Дзятла, Хадоські).

У сераду ўрокі музыкі ў 4 “Г” і 4 “В” класах Яцко Алена Фёдараўна правяла на беларускай мове па тэме “Каляндарна-абрадавыя святы” і дзеці з задавальненнем спявалі песні па-беларуску. У канцы ўрока вучні зрабілі закладкі для кніг з беларускай сімволікай, выказаўшы сваю любоў да роднай мовы.

У чацвер Жураўлёва А.В. правяла мерапрыемства для вучняў 4 “Б” класа пад назвай “Бібліятэка ў чамадане”. Анжаліка Васільеўна пазнаёміла вучняў з навінкамі літаратуры, якія з’явіліся ў бібліятэцы. Дзеці змаглі ўзяць кнігі, якія ім запісалі на картку чытача, каб пачытаць дома бацькам. Таксама ў чацвер прайшоў конкурс “Буслік 2021”, у якім прынялі ўдзел 131 вучань з 3 па 11 класы. Усе хацелі праверыць свае веды па мове і заняць прызавыя месцы. Будзем чакаць вынікаў. Настаўнік беларускай мовы і літаратуры Чыжык Т.Г. правяла мерапрыемства для 6 “Г” класа пад назвай “Клуб вясёлых і знаходлівых”. Вучні адказвалі на пытанні, вырашалі, хто лепш ведае родную мову. Мэты былі дасягнуты ў ходзе правядзення мерапрыемства. Гэтаму садзейнічалі цікавая і адпаведная ўзросту вучняў форма мерапрыемства, пазнавальныя заданні, конкурсы, накіраваныя на развіццё творчых здольнасцей вучняў. Перамогу атрымалі вучаніцы з каманды “Гаспадыні”.. Вучні прадэманстравалі свае творчыя здольнасці. Святочнаму аздабленню і стварэнню атмасферы свята садзейнічалі прачытаныя вучнямі вершы.

Інфармацыйныя гадзіны, прысвечаныя беларускай мове, праводзілі кружкоўцы з 8-х класаў з вучнямі пачатковай школы.

Агульнашкольная дыктоўка праводзілася таксама на інфармацыйнай гадзіне ў чацвер.

Тыдзень прайшоў цікава і захапляльна. Вучні пашырылі свой кругагляд і паглыбілі веды.

Фотаальбом
21 лютага Мiжнародны дзень роднай мовы

Все новости

Комментарии:

Оставлять комментарии могут только авторизованные посетители.